um hressleika stríðsreksturs!

nýr póstur hér hahh!!
...svo bregðast krosstré sem önnur tré.
Gorbatchéf segir í fallegu viðtali á sky fréttastofnuninni að halda eigi áfram eyðingu kjarnorkuvopna...Jú það er svo sem vinalegt að eyða nokkrum sprengjum og svoleiðis, en til hvers er verið að gera það? Nú er Obama okkar kumpánalegi forseti Bandaríkjanna að flakka eitthvað um heiminn og ræði um mál sem eru vart umræðunnar virði. !!!"Hvað segirðu, þetta eru grafalvarleg málefni sem okkar hæstvirrti B. Hussain Obama er að tala um við forsetann í Rússaveldi Dmitri Medvedev um er það ekki svo?!" Jújú, þetta eru grafalvarleg málefni en hverju breyta þau? Og af hverju ekki bara að að tal við Pútín sjálfan... ekki eins og að Medvedev hafi eitthvað meira vald en Óli okkar af grísakyni. Ekki að það skipti neinu vinur minn. Hverju breytir það hvort þú hefur þann mátt til þess að eyða lífi á jörðinni tvisvar sinnum eða þrisvar? Hverju breytir það yfir höfuð hvort við eigum kjarnavopn eður ei? Ef tæknin er til staðar verður, amk í mínum augum, ekki aftur snúið. Af hverju eru menn að rífast um þetta? Eða ræða þetta yfir höfuð? Þetta er vitleysa! Hefur alltaf verið og mun alltaf vera, þar til einhver hálfvitinn drattast til þess að taka í gikkinn. Sem reyndar hefur gerst áður, og mun gerast aftur...ekki blekkja ykkar eiginsjálf, það kemur að því að menn verð a þreyttir á því að standa í einhverjum skæruhernaði endalaust...og gerið ykkur grein fyrri því að baráttan um Japan var unnin áður en Kanakempurnar, tyggjandi sín tyggjó og með upprúllaðar ermar og Lucky Strike í munnvikinu, létu sínar tvær sprengjur falla.
Ekki er það góð "húgmýnd" að gleyma slíkum heigulskap...
En snúum okkur aftur í höfuáttina. Hversu mörg störf mundi það samt skemma ef hinn vinalegi forseti Von Obama mundi droppa eins og einni eða tveimur Velvöxnm Bertum á Afganistan? Bara einhverstaðar í hálfgerðu nágrenni við einhverja staðsetningu þar sem þeir hefðu fengið 'áreiðanlegar upplýsingar' um að væru stadddir óþekktarangar af Talibanagerð...búmmm...gangi ykkur vel að gera nokkurn skapaðan hlut á þessu geislamengaða svæði...síst af öllu að rækta Valmúa fyrir heróínþyrstan heiminn!
Ok herra Hamid Karzai forseti vor Afghanistevinskíj...næsta sprengja fellur á höfuðborgina Kabul...Nú ef þú grípur ekki í þitt eigið skott og "framselur" Bin Laden (hver trúir því að hans sé leitað?) þá kemur smá búmm! á borgina litlu, svo hva segirðu um það? Og gamli flottur klárinn Karzai þylur upp::: Hvaða vitleysa er þetta þið sögðuð okkur að þið ætluðuð að trukkast hérna um í nokkur ár og sprengja upp kletta og kaktusa og svo munduð þið fara að gera slíkt hið sama í Pakistan...er ekki kominn tími til þess að þið drullist þangað??? Talibanarnir eru allir þar að chilla og nauðga kellingum sem eru með kjaft. Þeim er skítsama um þessa helvítis eyðimörk.
En ég veð í villu og svima...Heldur nokkur lifandi sál að einhverju helvítis máli skiptir hversu mörg kjarnorkuvopn ákveðin þjóð eigi? Það skiptir ekki nokkru máli kumpáni!...tæknin er til staðar, engin leið til baka.
Langdræg vopn eru til staðar og kosta klink.
...Það er ekki óendanlega flókið að setja smá atomsprengjusnúð inn í toppkeilu einnar rakettu þegar til þess kemur...Öll þessi umræða um afvopnavæðingu er fáranleg. Sprengingar eru einfaldar...þú þarft bara einn hálfvita til þess að ýta á takkannn í stað þess að skjóta sig í hausinn (sem hann/hún mun, án efa, gera hvort sem er). Ef þú vilt búa til alvöru skelfingu þá er Rwanda aðferðinn fullkomin...Búa til þjóðfélagsdeilu...eins og gengur á íslandi núna..láta smáfólkið tuddast smá á yfirtéttinni...nei það gengur aldrei eftir.. Ok hvað með trúrbrögð? Eins og í N-íRLANDI forðum daga?.. VIRKAR EKKI Á ÍSLANDI, þar sem menn trúa bara þegar þeir þurfa eða það hentar þeim...
Ísland er vonlaust dæmi en Pakistan og Indland, þarna er aldeilis hægt að búa til þjóðarmorð....Hugsaðu þér vinnunna sem skapast við það...við þurfum meira að segja að millileenda til þess að flytja skriðdreka þangað...þvílík hamingja, gleði, Hindberjasulta og hveiti góði herra. Hví ekki að njóta augnabliksins...skellum okkur í stríð, það er stuð!

Þetta að ofan var skrifað einhverntíman fyrir jól á allt öðrum áratug. Þó sé ég ekki að ég hafi mikið við þetta að bæta jafnvel þótt ég hafi verið eitthvað í skál þegar ég skrifaði þetta. Þessi pólitíski hafragrautur er allt saman djöfuls bull. Því minna sem ég horfi á fréttir á hvaða formi sem þær eru því betra. Það er súrheyslykt af öllu draslinu. Hvenær var síðasta skiptið sem Bandaríkjamenn stóðu í stríðsrekstri sem var réttlætanlegur. Man einhver hvað þeir voru að gera í Víetnam og Koreu á sínum tíma? Ellta vonda kallinn? Hvað hét hann aftur þá? Hr. Commúnisti? Svo er líka sport hjá Kananum að búa til hliðholla einræðisherra. Hvernig hefur það gengið hjá þeim? Tökum smá púls:
Saddam Hussein-Iraq
AUGUSTO PINOCHET-Chile
MANUEL NORIEGA-Panama
FRANÇOIS & JEAN CLAUDE DUVALIER-Haiti
FRANCISCO FRANCO-Spánn
GENERAL SUHARTO-indonesia
MOBUTU SESE SEKO-Zaire
bara smá brot af því besta....allt saman klassafólk.

kannski maður byrji að skrifa eitthvað hérna aftur.

um misbeitingu valds

Nú er langt um liðið síðan ég reit hér síðast enda tvö önnur

bloggg að stela frá mér öllum tíma. En eins og þeir vita sem
lesa þetta rugl hér, þá er ég áhugamaður um óþarfa lögregluofbeldi...og reyni að koma slíkum viðbjóði á framfæri þegar ég rekst á það. Hér í Kanada er einmitt í gangi rannsókn þessa dagana á athöfnum lögreglumannanna 4 sem drápu Pólskan innflytjenda á Vancouver flugvelli í fyrra.
Það atvik hefði nú sennilega sloppið fyrir horn ef lögreglumennirnir hefðu ekki
bannað sjúkraliðum aðgangi að fórnarlambi þeirra, þrátt fyrir að þeir vissu að hann
væri meðvitundarlaus eftir Teiser skot lögreglumannanna knáu.
það er vonandi að þeir fá einhverja ámynningu fyrir þetta athæfi í stað þess að fá
bara hið venjubundna klapp á bakið.

Rakst á þetta miður skemmtilega myndskeið um daginn, en þar verður lögreglumaður
fyrir því óláni að meisa sjálfan sig og tekur reiði sína síðan út á fórnarlambi sínu.

Símon Falkner er einnig áhugamaður um slíka misbeitingu valds og eftir að ég hafði
sent honum þetta myndskeið þá stóð ekki á svörum.
Þó ber að hafa í huga að Símon skrifar hér beint til mín og lætur því stór orð flakka
sem hann mundi eflaust ekki gera á öðrum opinberum vettvangi
(símon er moggabloggs commentari).
En til gamans birti ég hér bréfaskrif okkar Símonar eins og þau leggja sig.

http://newsone.blackplanet.com/nation/police-beat-teenage-black-girl-for-riding-bike/

Halldór:

Þessi er afar spaugileg (mynd að ofan), því blessaður
> lögreglumaðurinn "meisar" sjálfan sig og
> verður svo reiður við þau mistök að hann lætur
> táningsstúlkuna finna fyrir því. Það er frábært í
> lokin þegar samstarfsmaður hans er að hella vatni í
> augun á honum og bersýnilega er skemmt yfir þessu öllu
> saman og heimsku samstarfsmanns síns. Hann plantaði honum
> klárlega á húddið til þess að eiga mynd af þessari
> snilld.


Símon:

Tja, maður neyðist til þess að hlægja upphátt þegar maður sér svona grínista.
Hvað er með þetta pakk? Ætli lögreglustarfið þurfi endilega að vera athvarf fyrir
aumingja, er þetta náttúrulögmál?

Hér um daginn voru 2 sérsveitarmenn dæmdir (aldrei þessu vant)fyrir óþarfa líkamsleit
á tveimur 19 ára guttum......Lögreglan hafði fengið tilkynningu um að einhver hefði
hleypt af byssu og sérsveitin send á staðinn. Nema hvað að einhver bíll er á ferðinni
á sömu slóðum með tveimur 19 ára piltum, og eru þeir stoppaðir. Þeir höfðu enga byssu
meðferðis, en eru teknir upp á stöð þar sem sérsveitarmennirnir afklæða þá og troða
puttunum uppí rassgatið á þeim, að "leita"......fundu víst engar byssur faldar í
endaþörmum drengjanna?
Hvað varð um hinn raunverulega byssumann? Það veit enginn, það gleymdist víst alveg
hinn upprunalegi tilgangur þess að lögreglan var send á staðinn. Sennilega hafa bara
bjánarnir stoppað fyrsta bílinn sem þeir sáu á ferðinni, og leitað af byssum með
kjafti og yfirgang...fyrst ekkert fannst þá hafa svínin hugsanlega freistað þess að
finna eiturlyf á drengjunum til að réttlæta handtökuna????????
Ef ég væri kaldhæðinn þá gæti ég nú hugsanlega haldið að svínin hafi í alvörunni
verið að leita af byssum í endaþörmum drengjanna, því þeir stundi það sjálfir að
troða byssum uppí rassgatið á sér, því það sé svo góð tilfinning að finna kalt
nasistaskaftið í rassgatinu á sér!
Hvað á maður að halda, því greinilegt er að í þessu starfi eru menn sem eru
"vangefnir", og þá meina ég menn sem eru nokkrum iq-stigum frá því að geta talist
löglega þroskaheftir.
Gömlu bíómyndaklisjurnar um heimskar löggur......da pigs. Sá húmor er nú ekki
"kosher" í dag. Í öllum þessum ömurlegu bresku og bandarísku lögregluþáttum sem
yfirfylla imbakassann á þessum síðustu og verstu er önnur hver lögga eins og
Sherlock Holmes.....Ömurlegur áróður. Ég get ekki orðið horft á þessa þætti, þoli
c.a. 3 mín max, og æli svo.....Homeland Security/ich bien ein nazi/do you speak
German/CSI fokkings drullu viðbjóður. Reyndi að horfa á Law and Order þátt um
daginn, sem gekk næstum því þar til lögguhetjurnar voru notaðar til að dásama
Patriot Act-viðbjóðinn......Og svo er fólk að fíla þetta.
Freistandi er að segja bara að tími sé kominn á að reisa gömlu þýsku "vinnubúðirnar"
og kaupa slatta af Zyclon B eða hvað sem gasið hét nú, nema hvað að staðsetja þær í
USA. Vera bara heiðarlegir. En það er varla hægt að grínast með svona hluti lengur,
því búðirnar eru þegar til, uppsettar og ready í USA..."FEMA Camps". Meira að segja
fréttamaður á FOX (fox er Uber repblican, jesú amen, fyrir þá sem ekki vita) hefur
minnst á "búðirnar". Hann skaut því að í einhverjum spjallþættinum að hann hefði
verið orðinn þreyttur á því að heyra um þessar meintu búðir, og ætlaði að "debunka"
þessar fréttir af netinu.....en eftir smá rannsókn komst hann að því að hann gat
ekki hrakið þessar fréttir....
Fólk er fífl.

um ófærð og erfiðleika sem fylgja slíku

Gleðileg Jól

Snjór hefur einkennileg áhrif á íbúa Victoriu borgar. Jú sjáið þið til, snjór veldur einkennilegu ástandi sem lýsir sér í algjör tapi á eðlilegri dómgreind og almenndri skynsemi. Hér hefur verið snjór í um tíu daga og það hefur svo sem gengið stóráfallalaust fyrir sig, jafnvel þótt að Victoria hafi selt flest alla snjóplóga sína í sparnaðarskyni fyrir nokkrum árum. Það sem bjargaði Victoriabúum var sennilega að snjónum kyngdi niður um helgi en ekki í miðri viku. Þetta varð þess valdandi að ekki fór allt til andskotans hérna á örskotsstundu, því fæstir Victoriubúar eru tilbúnir að aka í snjó nema það sé algerlega nauðsynlegt. Ég varð reyndar fyrir því óláni að einn nágranna minna fann sig knúinn til þess að setjast inn í Hyundai bifreið sína og reyna að rata út úr því völundarhúsi sem er bílastæðið við fjölbýlishús hans. Jú, ekki er aðeins um að ræða bílastæði með tvo útganga heldur hallar það á þann veg að erfitt getur reynst fyrir hálfvita á Hyundai bifreiðum að aka upp á móti hallanum í hálku og snjó til þess að komast út af bílastæðinu. Nágranninn minn vinalegi eyddi því næstu 45 mínútunum í að spóla fram og til baka og rembast við að koma bílnum af stað, með fíniseringu þeirri er krafist er til þess að komast eitthvað í snjó. Því miður var þetta honum lífsins ómögulegt, Haugnum til lítillrar hamingju þar sem hann reyndi að sofa af sér, tiltölulega drullusokkslausa bjórdrykkju frá starfsmannapartíi kvöldsins áður. En óttist eigi, því nágranninn eitursnjalli, átti nefnilega keðjur í skottinu og fór nú að basa við það að koma keðjunum á, en til þess þarf nokkra lipurð á inngjafarpedalanum auk verkvits í minnsta lagi. Því fór það ævintýri þannig að Hyundai-eigandinn knái spólaði blessuðu keðjunum fram og til baka í um aðrar 15 mín. Þá fór nokkuð að krauma undir drullusokknum og reif ég mig því á fætur og ætlaði að benda þessum herramanni, nágranna mínum, að ef hann bakkaði bílnum bara niður brekkuna og fyrir húshornið, þá kæmist hann út á veg án þess að þurfa að fara upp í móti. Þegar ég kom niður á plan var vinur minn hinsvegar floginn á braut á tveimur jafnfljótum og hafði skilið bifreið sína eftir í spólförum sínum á miðju bílplaninu. Frábært! Hugsaði ég og þar sem ég var hvort sem er kominn á fætur ákvað ég að fara að sækja mína bifreið í hjólabúðina þar sem ég hafði skilið hana eftir. Ég settist því á gamlann vin minn af Cannondale gerð, sem hefur fylgt mér í um áratug eða svo og hjólaði mér í vinnuna að sækja bílinn. Á þessari leið varð á vegi mínum hver vitleysan á fætur annari og ljóst var að stjórnleysi yrði algert ef snjórinn færi ekki fljótlega. T.d. ákváð gömul kona að þegar snjóar er ekki nauðsynlegt að hlýða umferðarlögum og ók yfir á rauðu og það eina sem bjargaði mér var letilegur og þynnkulitaður hjólastíll minn sem gerði það að verkum að ég fór ekki hratt yfir, ( ég tel annars enn að "Gömul Kona FC" sé besta nafn á fótboltaklúbbi sem til er, en Gísli Bryn og Gilsi ætluðu að skýra fótboltafélagið sitt þessu nafni. Því ekki skipti máli hvernig leikirnir færu það væri alltaf jafn fyndið að heyra úrslitin í útvarpinu: "Gömul kona lagði Hamar 2-0 í Hveragerði á Laugardag. eða: Hvíti Riddarinn lagði Gamla Konu á fimmtudag 3-2 )
Snjór og hálka ættu í að neyða menn til umhugsunar um almenn gildi eins og t.d. þyngdarlögmálið og miðflóttaaflið, eða þetta hafði maður amk. haldið. En fávísi vinar míns Hyundaieigandans var ekki einsdæmi. Því á þessari stuttu leið minni á hjólhestinum, varð ég vitni að vinnu pars eins á þrítugsaldrinum, þar sem þau voru að basla við að moka gangstéttina framan við húsið sitt, en hér er það á könnu húseigandans að hreinsa stéttina framan við sitt hús. Þetta var í sjálfu sér virðingarvert því ekki nenna allir að standa í því að moka stéttina yfirleitt. Þó var sá galli á gjöf Njarðar að þetta vinalega par sem var svo samheldið og vinnusamt að moka gangstéttina saman í "vetrarhörkunum" var að moka stéttina upp á móti hallanum og olli þetta nokkrum hósta og höfuðverk í Haugnum.

Gamli kall...þessi bessi

Voðalega er pirrandi að keyra bíl í borgarumferð. Þetta verður mér ljósara með hverjum deginum sem ég ferðast um á reiðhjóli. Þegar ég er á mínum 21 árs gamla Raleigh, sem ber hið virðulega nafn Basil, þá líð ég um og hef það gott legg síðan beint fyrir utan þann stað sem ég þarf að fara inn, geng nokkur skref og er mættur. Ef ég tek Súbaróinn þá vandast málið. Jú sjáið þið til: Ég bý í 2 km fjarlægð frá miðbæ Victoriu borgar og ef ég kýs að ferðast þessa tvo kílómetra á bílnum, sem er fáránlegt í sjálfu sér, þá ek ég iðulega aðra 2km bara í að leita að stæði, sem ég þarf síðan að borga fyrir og labba síðan langar leiðir til þess að sinna erindum mínum. Þetta er vitleysa á hæsta stigi, en samt geri ég þetta af og til mér til hressingar. Aukinheldur þá verð ég pirraður undir stýri, og hverjum er það að kenna? Jú öllum hálfvitunum sem eru að keyra um götur borgarinnar eins og fífl í stað þess að nota reiðhjól eins og dannað fólk. Victoria er reyndar þekkt fyrir að státa af afbragðs vondum bílstjórum enda mikið af eldriborgurum hér og eins og vitað er eru þeir ekki hinir liprustu í umferðinni. Gamlingjarnir kunna kannski alveg að keyra, hafa reynsluna og allt það, en það virðist bara koma að því að þeir nenna því ekki lengur: Hví að gefa stefnuljós ef þú getur bara beygt? Til hvers að keyra hraðar en 25? Maður spyr sig. Af hverju er það svo slæm hugmynd að stoppa hérna á miðjum gatnamótunum og velta fyrir sér hvort ég þurfi að kaupa brokkolí með undarennunni sem ég fór að kaupa upphaflega (vantaði ekki neitt annað, fór bara að kaupa undarennu) , eða var ég á leiðinni í sund? Ja, hvur andskotinn ég man það ekki, best að beygja bara hingað, án þess að gefa stefnuljós (til hvurs að hreyfa sig ef maður þarf þess ekki). Ætti ég kanski að fara að spila bingó? Eða fá mér í littlu tánna í Legioninu? Svei þér aftan! Af hverju er þessi ungi maður að flauta og benda á mig eins og kjáni? Mér er spurn.
Obbobobb, hvað gerðist þarna? Gamlingjarnir eiga það ekki skilið að það sé gert svona grín af þeim. Þeir eru költarar, ganga um í fjólubláum íþróttagöllum og hipsterast á götuhornum á mili þess sem þeir sjússa sig og poppa pillum. Þeir eru allt sem unglingar vilja vera í dag.
Reyndar vona ég innilega að ég fari ekki að keyra lengst frameftir... Þegar maður er orðinn gamall og góður, er ekki bara huggulegt að hringja á leigubíl? Þá getur maður líka verið mátulega rakur svona yfirleitt. Eða á maður ekki fyrir slíku í ellinni? Ég ætla rétt að vona það.
En þar sem axlarmeiðslin eru að jafna sig (ef útlitslega hliðin er undanskilin) er ég aftur sestur á Basil og ríð honum um borgina með sælusvip. Get að vísu ekki staðið í neinum fjallahjólreiðum eins og er en það kemur eftir um 3 vikur eða svo, og þá fellur allt í ljúfa löð. Hóst...
Já og fyrir Fenris, þá vil ég minnast á Kaffi (það er gott), Teisera (vont) Löggur (vont og feitt, vont fyrir hjartað) Dyraverði (feitir, vondir fyrir nef), Fengistíma áfeing (gott) og hvað var það...Jú Símon Falkner (gott, gott fyrir haus)
yeshkemesh.

um leti og vopnvæðingu lögreglunnar

Nokkur leti hefur staðið í vegi fyrir skrifum á þessum síðum undanfarin misseri. Vonandi verður breyting þar á, en það er þó alls óvíst. Eins og von er og venja er ég með mörg járn í eldinum, en hef ekki mikla löngun til þess að taka þau þaðan og byrja að lemja þau til á steðjanum. Það er hlýtt og vinalegt í logum helvítis og gott að hafa bara fínan bunka af ókláruðum verkefnum á borðinu hjá sér. Á borðinu hjá mér er annars merkilegt safn af drasli. Hleðslutæki, niðurhalsbúnaður ljósmynda á stafrænu formi, casio vasareiknir, heimabankalykill, pennar og klink, snjáð derhúfa, te-box skreytt japönskum mótívum fullt af klinki sem til stendur að fara með í bankan (hefur verið fullt árum saman) minnisbækur, bæklingar, ársreikningur ÁTVR, Heat endurance orkuduft, pillubox með Tylenol 3 verkjalyfi, Webster's New World Thesaurus (funk and wagnalls edition), umsókn um skólavist í Langara college og svo auðvitað gemsi og kaffibolli barmafullur hinum svarta elexír...og þetta er bara á borðinu, eða á "yfirborðinu," (úff...) skúffunar eru fullar af allskonar drasli sem ég hef enga löngun til þess að skoða og hef þær því bara lokaðar. Hah! Þarna ér ég búinn að skrifa ágætis pistil án þess að tala um neitt og er rétt að vera stoltur af því.
Ætti maður að tala um eitthvað?
Kannski um yfirvofandi vopnvæðingu lögreglunnar á Íslandi? Eins og hún hafi einhverja þörf fyrir Taser byssur eða önnur vopn? Hvað varð um þann sið að valdasjúkir dyraverðir með minnimáttarkennd gerðust lögreglumenn og nutu þess að lemja menn með hnefunum eins og gert hefur verið árþúsundum saman. Er lögreglan að fyllast upp ef einhverjum kellingum og aumingjum sem nenna ekki að slást? Hvaða rugl er það? Taser-byssur valda dauðsföllum í hverri viku í Norður Ameríku og látið ekki glepjast af neinu almannatengslabulli um að þetta séu skaðlaus verkfæri. Hér er ágætis grein um þetta. Samkvæmt þessarri grein hafa 300 mans látist í USA og Kanada vegna Tazer stuðs frá því að þessi ljómandi uppfinning kom á markaðinn, þetta var skrifað árið 2007 þannig að við getum gert ráð fyrir því að sú tala sé nær 400 í dag. Amnesty international skrifar líka fína grein um þetta hér. Don Símon Falco sérlegur ráðgjafi hemúlsins í samsæringum, nefndi áhugaverðan punkt í þessu sambandi: Jú nefnilega nýja dánarorsok sem gjarnan er notuð þegar fólk deyr í aðstæðum þar sem Taserbyssur hafa verið notaðar, eða eins og hin algjörlega gagnslausa Canadian Police Research Centre orðar það: "The report noted that excited delirium was gaining increasing acceptance as the main contributor to deaths "proximal" to taser use." Nefnilega dauðsfall einnhversstaðar í nágrenni við notkun taser byssa! Hvaða rugl er þetta? Það er ekkert nágrenni, þið skutuð manninn margoft með 50,000 voltum af rafmagni.
Hin einkennilega dánarorsökin sem gjarnan er notuð er: "excited delirium", ellegar "agitated delerium," sem útleggst á íslenskunni eitthvað á þá leið að viðkomandi hafi dáið úr æsingi. Hvernig er hægt að taka þetta alvarlega? Einhver beikonbúnki með yfirvaraskegg í ræðustóli útskýrir hvernig fangi dó í gæsluvarðhaldi á þann veg að hann hafi verið svo æstur að hann dó?! Þetta er náttúrulega fáránlegt! Hver heldurðu að trúi þessu bulli.
Svo verið á varðbergi kæru vinir. Ekki láta þessa vopnvæðingu yfir ykkur ganga. Íslendingar hafa slegist með hnefum og grjóti og öðru tiltæku öldum saman, engin ástæða til að bæta Taser draslinu við, og ekki halda að taser byssurnar verði aðeins nýttar í neyðartilvikum. Kíkið á netið.

Um magnaraaaahhh

Já
Ég hef á síðum þessum líst yfir nokkru frati á JVC heimabíómagnara nokkurn sem við fengum gefins hér fyrir nokkru. Ekki hefur mér tekist að losa mig við hann vegna tilfynningalegs virði hans í augum unnustu minnar en bróðir hennar átti hann áður. Því vermdi það mitt kalda hjarta, þegar hann byrjaði að láta illa nú á vordögum og þegar ég kom til baka frá Íslandi var ástandið orðið það slæmt að hann neitaði að spila hægri rásina. Nú í stað þess að fara með hann í hreinsun, sem að líkindum var það eina sem hrjáði hann, var blásið til sóknar. Þetta er merki frá hljómtækjaguðunum sagði ég. Kominn tími til þess að við fáum okkur nýjan magnara. Ég byrjaði því að grúska og leita og var í raun búinn að finna magnara þegar okkur bauðst annar magnari gefins. Magnarinn sem ég hafði í huga var hinn goðsagnarkenndi magnari Marantz 1060. Sá er vel þekktur í magnara heiminum og þótt hann sé ekki sá öflugasti þá er það almennt álitinn góður magnari fyrir smærri hljóðkerfi. FLott mál. En þar sem okkur bauðst hinn þá var ekki annað að gera en að taka hann til alvarlegrar íhugunar. Ólíkt JVC magnaranum, þá var þessi, að Sansui gerð, í eigu kunningja míns sem er mikill hljóðhundur og hafði nýverið fjárfest í nýjum Harman Kardon Dolby surround 7.0 magnara til sem hann féll fyrir í einhverri rannsóknarferðinni í hljóðbúðir Victoria. Magnarinn sem hann gaf okkur var gamli magnarinn hans af þeirri herrans árgerð 1979 og heitir að undirtegund AU-719:
Þetta er allt sem ég vildi í magnara. Sjáið þið takkana! Ha! Í stað þess að fara inn í enhverjar custom settings til þess að minnka bassan örlítið þá get ég bar snúið bassa-takkanum! Þvílík snilld, af hverju í ósköðunum hafði JVC fyrir því að fela þessa hluti sem eiga að vera órjúfanlegur hluti magnara? Jú þeir þurftu að hafa einhvern stað til þess að setja LCD skjáinn! Já frábært, ég get séð að klukkan er tíu mínútur yfir fimm en hvar er helvítis treble takkinn?! Ég er með úr, og síma og klukkur til þess að segja mér hvað klukkan er, ég þarf ekki tímamaskínu á magnaranum mínum.
Ég lét laga Sansui magnarann fyrir $150 og nú er ég með músík, eins og ég vill hafa hana, fulla stjórn yfir öllum stillingum bara einn takki fyrir hverja stillingu. Sigurinn er minn, en verðlaunin eru okkar. Allt í einu er tónlist orðin stór hluti af lífi okkar aftur þökk sé gömlum og einföldum magnara sem kostaði mig 15 þús. Það versta er að ég get ekki losað mig við þann gamla. Hann er nú til sölu á Usedvictoria.com en ekkert gengur að selja hann. Goddamn it! Get out of my life.

sakaruppgjöf Sapparóuppgjöf uppgjöf snuff

Tja.
Ég var að átta mig á því að ég hef eytt nærri öllu sumrinu í að vinna. Enn sú vitleysa. Það er ekki eins og maður græði eitthvað á því. Kannski helst að maður nái endunum eitthvað betur saman, eða hvað? Veit ekki, þetta er allt á pappírum hvort sem er, enginn sem ég þekki á nokkurn skapaðan hlut. Nú er því planið að reyna að nota tíman aðeins, eða þann litla sem eftir er hér á landi og gera eitthvað. Ekki endilega eitthvað að viti, það er alveg eins gott að gera eitthvað sem ekkert vit er í og þá helst eitthvað sem er bæði heimskulegt og óútreiknanlegt. Eins og til dæmis hlaupa nakinn um heiðar landsins, drekkandi landa og takandi rudda í nefið. Hvað væri betra? Þetta er kannski hvorki heimskulegt né óútreinanlegt og þar liggur hundurinn grafinn og hnífurinn í kúnni. Meðalmennskan er að ná tökum á Hemúlnum og það er viðbjóður. Hver nennir að mæta í vinnuna og fá borgað og vera flottur kall? Ekki ég. Ég vill frekar hlaupa um heiðarnar. En hvernig leysir maður þennan vanda? Nú kannski væri hægt að kalla til Drullusokkinn. Honum er ekki treystandi, eins og nafnið gefur til kynna. Drullusokkurinn setur hemúlinn stundum í fangelsið eða að minnsta kosti í einhverjar óútreiknanlegar aðstæður sem hemúllinn iðrast síðan seinna. En er ekki betra að iðrast heldur en að lifa ekki neitt? Þetta er spurning og nú fetar hermaðurinn eftir línu einni sem er hættuleg mjög. Passa sig obbobobb, er ástæðan að nú er farið að skyggja? Er farið að skyggja í grágrautnum á efrihæðinni? Þú(u)ngi maður? hó! Í hausnum snúast viðvörunarljós sem gjarnan eru kölluð fávitar af vélamönnum, jú sjáið þið, þau gera ekkert nema að blikka og snúast í hringi. Fávitar! Fátt er verra en blá ljós í baksýnisspeglinum og hvalir í baðkarinu. Þetta eru erfiðir hlutir að díla við. Ehem, afsakið mig værirðu til í að skrúfa fyrir heita vatnið, ég þarf nefnilega að þvo gluggana?... "Have you been drinking Sir? You smell like alcohol. Well, OFFICER, you smell like cock, what does that tell us?... obboboob....Hó selectahhh. Er lifrakláðinn á hættulegu stigi? Fyrst skal setja stefnuljósið á til vinstri en beygja svo til hægri. Lykilatriði að stoppa ekki eins og einhver bjáni. Þá er gamanið búið hjá öllum og meðalmennskan ríður yfir bílstjóra og offíser, ekki von á öðru en leiðindum.
Við viljum engin leiðindi, ég lofa að vera til friðs. Hleypið mér bara inn. Svo getið þið hent mér út á eftir og allir ánægðir.