Um að bæta á sig nokkrum költ-grömmum

Ég er ekki viss um hversu vel mér líkar við pöbbinn á Hve. þessa dagana. Hann hefur á örskammri æfi sinni náð að brenna hnefastórt gat á mitt þunna veski og er svo komið nú að ég verð líklega að fremja bankarán til þess eins að geta farið í vetrarfríið. When the going gets tough the weird turn pro.
Annars hef ég ákveði að taka smá útúrdúr á leið minni til Eh? -lands. Upphaflega var stefnan sú að fara til San Sebastian í Norðurhluta Spánar á slóðir Hemingway. Stefnan var sú að finna lítið þorp við fallega strönd þar sem iðka ætti lestur bóka og kúltíveringu með dashi af maríneringu á börunum. Ætlunin var sú að eltast ekki við neinar túrhestagildrur heldur költast bara og slaka á. San Sebastían virtist samkvæmt seinni athugunum heldur norðanlega miðað við að við færum í nóvember og þar sem við erum ekki á aðal tímabilinu þá ákváðum við bara að fara til suður-Spánar í staðinn. Það var nú einfalt að finna stað þar. Eitt símtal til ráðgjafa míns í Spánskum innanríkismálum, Dr. B. Hólmstein og ég var kominn með staðsetningu. Þorp það sem fyrir valinu hefur orðið heitir Nerja og er stefnan á að vera þar þann 15 nóv. Með í farteskinu verða The Complete short stories of Ernest Hemingway, By Line Ernest Hemingway selected articles and dispatches of four decades, auk Hey Rube: Blood Sport, the Bush Doctrine, and the Downward Spiral of Dumbness--Modern History from the Sports Desk eftir Hunter S. Thompson. Svona til þess að hrista aðeins upp í þessu. Ég get vart lýst eftirvæntingu minni, en hún er mikil og útlit fyrir að menn költist þarna nokkuð. Að Spáni loknum fer ég svo til Kanada og mun iðka vinnu svarta fyrir lágmarkskaup- og ánægju en njóta þess í stað ögn vinalegri veðráttu og auknu frelsi sálarinnar.