Kurt Vonnegut

Kurt Vonnegut lést nú nýverið og settist við hið mikla barborð í pólólobbíinu í skýjunum. Sorgartíðndi fyrir bókmenntaunnendur en hann var í sjálfu sér búinn að fullkomna sitt lífsstarf. Gaf út "A man without a country" sem er hálf-sjálfsævisöguleg, árið 2005 og sagði það sína síðustu bók. Persónulega hef ég einungis lesið eina bók eftir þennan herramann, en það var sláturhús fimm gefin út árið 1969. Afar góð lesning það og einhver óhugnalegasta kápa sem um getur, en á henni er hönd með auga í miðjum lófanum. kreepí.
Til stendur að kynna sér betur bækur þessa fallna höfðingja því þær falla ákaflega vel inn í áhugasvið mitt á bókmenntasviðinu, þar er nútímabókmenntir norður ameríku. Og má í raun segja að það sé fáránlegt að ég hafi ekki lesið meira eftir Vonnegut.
En við óskum Vonnegut góðrar ferðar yfir Styx og vonum að hans bíði aðrir meistarar við barborðið mikla og að með komu hanns upphefjist ægilegt bókmenntafyllerí þar sem Hunter S. og Willam S. og Keruoac og Hemingway reyna að drekka hvern annan undir borðið.

Lifið heil.